Hulduland - Ókannaðar slóðir Álfanna | Bergmenn fjallaleiðsögumenn | Á Íslandi leggjum við aðaláherslu á ísklifur, fjallaskíða og þyrlu skíðaferðir auk fjallaklifurs

Bókun

Hulduland - Ókannaðar slóðir Álfanna

Fjöldi

Skaginn milli Eyjafjarðar og Skjálfandaflóa ber í raun ekkert heiti en er gjarnan nefndur Hulduland meðal þeirra sem þar þekkja til. Þetta stórbrotna svæði er nú í eyði m.a sökum gríðarlegra snjóþyngsla en það er akkúrat það sem fær okkur til að sækja í þennan magnaða fjallasal. Með aðstoð snjótroðara setjum við upp búðir í 4 nætur í sæluhúsinu að Gili í Hvalvatnsfirði og skíðum hvern tindinn af fætur öðrum a milli þess sem við njótum kyrrðarinnar og félagsskaparins. Meira

Lengd ferðar: 5 dagar

Verð: 175.000.- á mann (miðað við 6-12 manns)

Þetta ótrúlega fjalla og skíðasvæði er nánast því aldrei heimsótt yfir vetrarmánuðina til þess að skíða, sem verður að teljast undarlegt því hvergi annarstaðar á landinu utan Tröllaskaga eru aðstæður betri til iðkunnar fjallaskíðamennsku. Það eru ekki mörg ár síðan leiðsögumenn Bergmanna heimsóttu svæðið í fyrsta sinn og það verður að segjast eins og er að þeir voru dolfallnir yfir möguleikunum til skíðunnar og því að þarna var þessi fínasti skáli í miðjum fjallasalnum þaðan sem hægt var að skíða ógrynni tinda sem aldrei höfðu áður séð mann á skíðum. Huldulands ferðin varð fljótt okkar vinsælasta ferð utan Tröllaskagans. Hvergi annarstaðar á landinu getur þú gleymt þér í nokkra daga við það að skíða útfrá notalegum fjallaskála með fullri þjónustu á áður óskíðaða tinda, án þess að sjá nokkurn mann fyrir utan þig og vinina sem með eru í för.

Hvað gerir þessa ferð svona magnaða ?

Einstakt tækifæri til að skíða brekkur sem engin hefur skíðað áður
Ekkert annað fólk á svæðinu, fjöllin eru þín
Kvöldskíðun með útsýni á miðnætursólina sem sest í norðri
Eini staðurinn á landinu þar sem þú skíðar flottar brekkur daga eftir dag frá prívat fjallaskála
Ljúffengur matur tilreiddur of kokkinum okkar sem galdrar fram kræsingar í öll mál
Þjónusta einu faglærðu fjallaleiðsögumanna landsins
Með aðstoð snjótroðara skíðum við meira og njótum þæginda þess að fá allan búnað trússaðan
Að Hulduland er fjallaskíðasvæði á heimsmælikvarða

Innifalið í verði

5 skíðadagar í fjallaparadís Huldulands
Þjónusta faglærðs fjallaleiðsögumanns alla ferðina
Allur matur frá hádegisnesti á fyrsta degi til hádegisnestis á fimmta degi
Þjónusta matreiðslumanns alla ferðina
Gisting í fjallaskála í sameiginlegu svefnrými með aðgang að kömrum
Far með snjótroðara á fyrsta tind ásamt trússi á öllum búnaði til og frá skálanum

Ekki innifalið í verði