Bergmenn fjallaleiðsögumenn | Á Íslandi leggjum við aðaláherslu á ísklifur, fjallaskíða og þyrlu skíðaferðir auk fjallaklifurs

Grunnnámskeið í ísklifri Þetta námskeið er ætlað þeim sem vilja kynna sér og prófa ísklifur í fyrsta sinn eða þeim sem vilja rifja upp gamla takta undir

Bókun

Grunnnámskeið í ísklifri

Sjá stærri mynd

Þetta námskeið er ætlað þeim sem vilja kynna sér og prófa ísklifur í fyrsta sinn eða þeim sem vilja rifja upp gamla takta undir handleiðslu atvinnumanna. Farið er yfir öll grunnatriði ísklifurs svo sem öryggismál, hreyfi tækni, útbúnað og aðferðir. Megin áherslan er lögð á hreyfingar í ísklifri og uppsetningu megintrygginga með ískrúfum. Í lok þessa námskeiðs eiga þátttakendur að vera færir um að setja upp akkeri í ís og klifra í ofanvað. Meira
Lengd ferðar: 1 kvöld og einn dagur 
Dagsetningar: Allt árið um kring eftir pöntun
Verð: 30.000.- ISK (Lágmárksfjöldi 2)

Námskeiðið er eitt kvöld og einn dagur. Um kvöldið er farið yfir útbúnað, hvaða útbúnaður hentar best og hver er munurinn á öllum þeim tólum og tækjum sem fylgja ísklifri. Farið er yfir öll þau fjölmörgu öryggisatriði sem skipta máli svo sem snjóflóðafræði, veðurfar og almennar öryggisreglur í ísklifri ásamt því sem tilhögun verklega dagsins er kynnt fyrir þátttakendum. Verklegi dagurinn fer fram í ísfossum eða skriðjökulstungu, allt eftir aðstæðum hverju sinni. Megináhersla er lögð á að þjálfa þátttakendur í klifurtækni og hreyfigetu ásamt því sem þeir fá góða þjálfun í ísetningu ísskrúfa, akkerisbyggingu og ferli klifurs. Einnig er mikið lagt uppúr því að þjálfa öryggismeðvitund þátttakenda þannig að þeir geti í lok námskeiðsins gert sér grein fyrir þeim hættum sem tengjast ísklifri og vetrarferðamennsku.

Innifalið í verði:

- Leiðsögn og kennsla faglærðs fjallaleiðsögumanns
- Neyðarskýli, skyndihjálparúbúnaður, fjarskiptatæki

Ekki innifalið í verði:

- Leiga á útbúnaði
- Akstur
- Matur
- Persónuleg slysatrygging

Útbúnaðarlisti fyrir grunnnámskeið í ísklifri 

- Vind og vatnsheldur jakki með öndun (Gore Tex eða sambærilegt)
- Vind og vatnsheldar buxur (Gore Tex eða sambærilegt)
- Nærföt (ull eða gerfiefni)
- Buxur (Soft shell, flís)
- Flís eða ullar peysa
- Dún eða fiber úlpa
- Húfa - lambhúshetta
- Hanskar (2 pör, þykkir þunnir)
- Gönguskór (Stífir gönguskór henta betur)
- Bakpoki 25-35 lítra
- Hitabrúsi
- Nesti fyrir daginn
- Lítil sjúkrataska (Hælsæris plástrar og annað persónulegt sjúkradót)
- Myndavél
- Höfuðljós
- Klifuraxir (1 par fyrir hverja tvo þátttakendur)
- Mannbroddar (Stífir smellubroddar henta betur)
- Hjálmur
- Klifurbelti
- 2 læstar karabínur
- Prusik band 1.5m 5-6mm
- Tryggingatól (Plata,túba,Reverso)

Sumt af þessum búnaði er hægt að fá leigt hjá Bergmönnum eða hjá Fjallakofanum í Hafnarfirði 5109505. Ef þú hefur einhverjar spurningar varðandi búnaðarval þá ekki hika við að hafa samband.





Mynd augnabliksins

breithorn8.jpg

Póstlistar

Framsetning efnis

  • A-
  • A+
moya - Útgáfa 1.13 2009 - Stefna ehf