Bergmenn fjallaleiðsögumenn | Á Íslandi leggjum við aðaláherslu á ísklifur, fjallaskíða og þyrlu skíðaferðir auk fjallaklifurs

Þessar nóvember fjallafréttir detta inn um lúguna á sama tíma og snjó kyngir niður á fjöllum Tröllaskagans og veturinn virðist loksins ætla að hafa yfirhöndina yfir votviðrasömu og óútivistarlegu hausti, ég er í það minnsta vel klár í skíðasnjó og gott ísklifur. Fréttirnar eru að þessu sinni stappfullar af hlekkjum inná frábært myndefni og hugmyndir sem ætlað er að drífa ykkur af stað á fjöll, eða í það minnsta að drífa hugann á fjöll. Kíkið á þetta og ekki hika við að hafa samband ef það er eitthvað sem að ég get aðstoðað ykkur með.






Vorið var það besta síðan 2002 hvað varðar fjallaskíða aðstæður á Tröllaskaganum og við nýttum okkur það til hins ýtrasta og skíðuðum vel fram í júní í frábæru færi og nægum snjó. Aldrei hafa komið fleiri fjallaskíðamenn og konur á Tröllaskagann eða frá fleiri löndum. Margir góðir ljósmyndarar voru á ferðinni og þið getið kíkt á afraksturinnhér í þessu frábæra myndasafni sem án efa er orðið stærsta myndasafn landsins með fjallaskíðatengdum myndum. Spennandi hlutir eru einnig á dagskrá fyrir vorið en fyrir utan okkar vinsæla Tröllaskaga prógramm, Hulduland ogJökulfirði ætlum við að bjóða uppá''Haute Route'' Tröllanna, fyrstu þverun Tröllaskaga norður - suður um Páskana. Ferð sem án efa mun verða ''klassísk'' skemmtun þar sem ókannaðar brekkur og tindar eru í aðalhlutverkum auk þess sem þessi hópur mun verða fyrsta fólkið til að afreka þessa þverun á fjallaskíðum. Í vor munum við svo einnig bjóða uppá fjallaskíðaleigu með bestu fáanlegum græjum, nú geta allir komið og prófað töfra Tröllaskagans.

Arctic Heli Skiing fór gríðarvel af stað í vor þar sem þúsundir fallmetra voru skíðaðir á Tröllaskaganum og Huldulandi. Móttökurnar eru reyndar slíkar að við höfum opnað nýja heimasíðu þar sem eingöngu er að finna upplýsingar um þyrluskíðaferðirwww.arcticheliskiing.comÞar mun innan skamms einnig vera hægt að bóka þyrluskíðaferðir t.d til Grænlands, Kanada og Tyrklands í samvinnu við félaga okkar í þeim löndum. Smelltu hér til að skoða skemmtilegar myndir úr þyrluskíðaævintýrum vorsins. Við munum halda þessu verkefni áfram næsta vor og nú þegar eru bókanir teknar að streyma inn og lausum plássum fækkar ört. Til að gefa fleirum kost á að prófa þetta frábæra sport að þá munum við aftur bjóða uppá eins dags ferðir fyrir Íslendinga sem vilja prófa, og erum meira að segja farnir að selja gjafabréf í þyrluskíðun í jólapakkann. Vorið 2010 er stefnan tekin á að kanna áður óskíðuð svæði á Tröllaskaganum, svæði sem ekki nokkur sála hefur skíðað á áður, en af ókönnuðum lendum er nóg hér í þessari fjalla og skíða paradís.

Alpavertíðin 2009 heppnaðist gríðar vel með fjölda ferða á hæstu fjöll Evrópu. Íslendingar voru duglegir að nýta sér þá þjónustu að geta klifrað og gengið á fjöll í Ölpunum undir íslenskri fjallaleiðsögn en eins og ég þreytist aldrei á að upplýsa fólk um, að þá er ég enn sem komið er eini faglærði fjallaleiðsögumaður landsins UIAGM, og þar með eini Íslendingurinn með starfsleyfi í Ölpunum. Ekki skemmir svo fyrir að þarna bjó maður jú árum saman og þekkir sig vel um. Endilegasmelltu hér til að skoða stórfínar myndir úr nokkrum alpaferða sumarsins. Sumarið 2010 verður einnig tileinkað Ölpunum en ég stefni á að pakka saman ''hele familien'' í bílinn, sigla yfir pollinn, setja upp grunnbúðir í einhverjum sætum fjallabæ og eyða öllu sumrinu í stanslaust toppa príl, göngur og klifur. Ég er nú þegar orðin töluvert bókaður fyrir sumarið en ekki hika við að hafa samband ef þú villt toppa næsta sumar því mér til aðstoðar verður vinur minn fjallaleiðsögumaðurinn Gregory Faconsem talar fína Íslensku og er mörgum að góðu kunnur hér á Fróni. Smelltu hér til að skoða splunkunýtt og metnaðarfullt alpaprógram 2010, hver vill koma á Mont Blanc, Matterhorn eða Eiger?