Haute Route Tröllanna

Þú þarft ekki að fara alla leið í Alpana til að upplifa heimsklassa fjallskíðatúr, því að á Tröllaskaganum bíður þín verðugt verkefni í anda hinna frægu ''Haute Route'' eða ''Háu Leiða'' Alpanna. Í þessari einstöku ferð eru margar af bestu brekkum Tröllaskagans skíðaðar og hæstu tindar þveraðir á milli þess sem við gistum í þægilegum fjallaskálum í hjarta þessa stórbrotna svæðis. Vertu meðal þeirra fyrstu til að upplifa þessa frábæru ferð þar sem ótroðnar slóðir utan hinna almennu svæða eru í forgrunni.

 

Jökull Bergmann hefur í tvo áratugi sérhæft sig í fjallaskíðaferðum á Tröllaskaga og þessi einstaka ferð er hugarfóstur hans, þar sem skíðað er milli fjallaskála í hjarta Tröllaskagans án utanaðkomandi aðstoðar í 6 daga. Þessi ferð er ný af nálinni og eingöngu möguleg nú þar sem byggðir hafa verið fjallaskálar á undanförnum árum sem eru fullkomnlega staðsettir fyrir ferðir af þessu tagi. Við gistum í þremur mismunandi skálum sem allir eiga það sameiginlegt að vera utan alfaraleiða þannig að engir aðrir skíðamenn eru um bestu brekkurnar og sönn óbyggðaupplifun er ''garanteruð''

 

Þessi ferð er fyrir þá sem hafa reynslu af fjallaskíðamennsku, eru í góðu líkamlegu formi og eru í leit að nýjum ævintýrum. Þar sem skíðað er milli skála þurfa þátttakendur að skíða með léttan svefnpoka og mat til tveggja daga í senn þegar skíðað er í skálana. Þegar þangað er komið er pokinn léttur þar sem við gistum tvær nætur í fyrsta og þriða skála ferðarinnar en getum bætt á okkur vistum þess á milli.

 

Þessi dagur er sá lengsti hvað varðar vegalengd þar sem við munum þvera heilan fjallgarð og koma niður í næsta dal þar sem nýr skáli bíður okkar. Það má gera ráð fyrir allt að 1000 metra uppferð en jafnframt enn lengri brekku niður hinumegin þar sem við þverum nokkra af hæstu tindum Tröllaskagans.