AUSTFIRÐIR - FJALLASKÍÐAFERÐ

Í þessari 6 daga ferð beinum við sjónum okkar að Austfjörðum. Austfirðir eru mögulega minna þekktir meðal fjallaskíðafólks en gefa þó Tröllaskaganum lítið eftir og bjóða upp á ótal spennandi möguleika fyrir fjallaskíðaunnendur sem vilja kanna nýjar slóðir og njóta friðsemdarinnar um hin fáförnu fjalllendi Austfjarða. 

Þegar komið er á gististað er óhjákvæmilegt annað ef að finna fyrir yfirþyrmandi hugarró. Heimilisfólkið tekur á móti okkur með opnum örmum og ef þetta er þín fyrsta heimsókn þá veistu að þú munt koma aftur. Mjóeyri er staðurinn og hingað er einfaldlega ekki hægt að koma bara einusinni.

Í þessari 6 daga ferð beinum við sjónum okkar að Austfjörðum. Austfirðir eru mögulega minna þekktir meðal fjallaskíðamanna en gefa þó Tröllaskaganum lítið eftir og bjóða upp á ótal spennandi möguleika fyrir fjallaskíðaunnendur sem vilja kanna nýjar slóðir og njóta friðsemdarinnar um hin fáförnu fjalllendi Austfjarða.

Húsin á Mjóeyri fara ekki framhjá neinum þegar rennt er í hlað en það er eins og þau hafi alltaf verið þar og hafi alltaf átt að vera og aðstaðan er til fyrirmyndar, hér eru uppbúin rúm, gufubað og heitur pottur sem endurnærir líkama og sál eftir langan dag á fjöllum. Sjórinn sér svo um að kæla okkur þess á milli úr pottinum sem við ræðum daginn, næstu daga eða skipuleggjum næstu ferðir.

Maturinn dregur ekki úr gæðum ferðarinnar heldur þvert á móti færir hana upp á annað plan og á kvöldin njótum við gestrisninnar og sögusagna heimamanna á Mjóeyri og gæðum okkur á ljúffengum máltíðum sem bornar eru á borð í hinu sögufræga og skemmtilega Randulffssjóhúsi.