Bergmenn, fagmenn ķ fjallaleišsögn

Don't miss out on a great deal, subscribe to our newsletter and get news and offers to your email

Fjallaleišsögumenn

Það er oft sagt að fyrirtæki séu lítið meira en starfsfólkið sem þar vinnur, og þetta á hvergi betur við en í fjallaleiðsögn. Okkar leiðsögumenn koma víða að úr heiminum en eiga það allir sameiginlegt að vera persónulegir vinir Jökuls Bergmanns stofnanda Bergmanna. Vinir sem hafa átt margan góðan daginn saman á fjöllum en einnig komist í hann krappann við erfiðustu aðstæður. Það er þess vegna sem við vitum að þeir eru á meðal þeirra færustu í heiminum í sínu fagi.

Jökull Bergmann

Jökull er án nokkurs efa þekktasti fjallaleiðsögumaður landsins 
og jafnframt fyrsti og eini Íslendingurinn sem hefur hlotið alþjóðlega gráðu í sínu fagi. Þessum merka áfanga náði hann vorið 2008 þegar hann lauk UIAGM prófi í Kanada eftir 10 ára þjálfunar og prófa ferli. Jökull hefur um árabil verið meðal fremstu klifrara og fjallamanna þjóðarinnar og hefur unnið mörg afrek á því sviði víðsvegar um heiminn. Jökull er stofnandi og aðal eigandi Bergmanna og hefur á undanförnum árum einbeitt sér að uppbyggingu á sviði fjallaleiðsagnar á Íslandi með sérstaka áherslu á að kynna fyrir Íslendingum fjallaskíða iðkun, ís og kletta klifur. Jökull sem ber svo sannarlega nafn með rentu á rætur sínar að rekja til bæjarins Klængshóls í Skíðadal á Tröllaskaga, þar sem að hann í dag gerir út fjalla og þyrluskíðaferðir á vorin. Þegar Jökull er ekki hátt uppá Íslenskum tindum er hann oftast að finna í Kanada yfir dimmustu vetrarmánuðina við þyrluskíða og ísklifur leiðsögn eða þá í Evrópsku Ölpunum í tindaklifri og fjallaskíðun, en hann er eini Íslenski fjallaleiðsögumaðurinn sem hefur réttindi til að starfa á þessum svæðum

Gregory Facon

Gregory er mörgum vel kunnur á Íslandi enda hefur hann tekið algjöru ástfóstri við land og þjóð. Í upphafi kom hann til Íslands sem skiptinemi en hin síðari ár hefur hann starfað sem fjallaleiðsögumaður hér heima sem og í Frönsku Ölpunum þar sem að hann er búsettur. Leiðir hans og Jökuls Bergmanns lágu snemma saman og var það sameiginlegur draumur þeirra beggja á unglingsárum að verða fjallaleiðsögumenn. Gregory er fulllærður UIAGM fjallaleiðsögumaður og meðlimur í hinum gríðarlega virtu frönsku fjallaleiðsögumanna samtökum SNMG. Að auki má nefna að Gregory er með tvær háskólagráður í líffræði og talar reiprennandi Íslensku. Gregory hefur yfirumsjón með ferðum Bergmanna í Alpana og allar líkur á að hann verði með þér í för sama hvort þú hyggst klífa Matterhorn eða skíða af tindi Mt Blanc.
Fridjon,Fridjon Thorleifsson,Friðjón Þórleifsson,Bergmenn Mountain Guides,fjallaleiðsögumenn,BergmennFriðjón Þórleifsson
                                                           ACMG,ACMG Ski Guide,Guide,logo
Friðjón eða Freon eins og hann er oft kallaður, stefnir hraðbyri að því að verða næsti UIAGM leiðsögumaður landsins, en hann er nú þegar orðin fulllærður skíða leiðsögumaður. Friðjón er búsettur í Kanada. þar sem hann vinnur á veturna sem Þyrlu og fjallaskíðaleiðsögumaður, en á vorin kemur hann heim á Frón með hinum farfuglunum og er hægri hönd Jökuls á Tröllaskaganum. Friðjón hefur farið víða á sínum fjallamennsku og leiðsögu ferli og hefur m.a annars þverað Grænlandsjökul, klifið Denali í Alaska og glímt við óteljandi ísfossa, klettaveggi og tinda bæði í Evrópsku Ölpunum sem og í Klettafjöllum Norður Ameríku.
 Kirk Becker,Ski Guide,ACMG,Bergmenn Mountain Guides,Arctic Heli SkiingKirk Becker
ACMG,ACMG Ski Guide,Guide,logo
Kirk er að mörgum góðu kunnur, því hann hefur um árabil heimsótt Tröllaskagann og leiðsagt gestum Bergmanna. En Kirk er fjölhæfur ungur maður, því á milli þess sem hann skíðar og klifrar um allan heim, starfar hann sem fyrirsæta og plötusnúður í Whistler í Bresku Kólombíu, Kanada. Þegar Kirk er ekki að þeyta skífum starfar hann sem þyrlu og fjallaskíða leiðsögumaður víðsvegar um heim.
Jim Gudjonson 

Eins og nafnið gefur til kynna að þá er Jim Gudjonson af Íslenskum ættum og ætti í raun að vera Baldursson samkvæmt Íslenskum venjum. Hann á ættir sínar að rekja í Skagafjörðinn og er af annarri kynslóð vestur Íslendinga. Þegar Jim er ekki á fjallaskíðum á Íslandi eru allar líkur á að hann sé að finna í mittisdjúpri lausamjöll í nágrenni Golden í Bresku Kólombíu þar sem hann á heima, eða hangandi á annari hendi í einhverjum ógurlegum ísfossi. Jim er einn reynslumesti UIAGM fjallaleiðsögumaður Kanada og starfar m.a sem prófdómari ACMG á fjallaleiðsögumanna prófum þar í landi.
Norm Winter

Norm er Kanadískur UIAGM fjallaleiðsögumaður og meðlimur í ACMG samtökum Kanadískra fjallaleiðsögumanna. Norm er vel kunnur þeim sem komið hafa á Tröllaskagann í annað hvort þyrlu eða fjallaskíðaferðir. Norm er sérfræðingur í þeim geira fjallaleiðsagnar og er sérlegur ráðgjafi Bergmanna í öllu sem viðkemur þyrluskíðun enda hefur hann staðið að uppbyggingu og ráðgjöf í þeim geira um víða veröld. 
Jia Condon

Jia eða Jæ eins og það væri borið fram á Íslensku kallar sjálfan sig atvinnumann í því að njóta lífsins og leggja stund á fjallamennsku hvers konar. Jia er UIAGM fjallaleiðsögumaður en hefur einbeitt sér að því undanfarin ár að klífa nýjar leiðir á fjöllum um víða veröld og er löngu orðin þekktur fyrir einstaka þrautseigju og þor þegar það kemur að erfiðum leiðum sama hvort það er í ís eða klettum. Myndavélin er alltaf við hendina og er Jia vel þekktur ljósmyndari á alþjóða vettvangi.
Paul Gnos

Paul er þrautreyndur meðlimur Svissnesku fjallaleiðsögumanna samtakanna SBV og UIAGM fjallaleiðsögumaður. Heimasvæði Pauls er í þýskumælandi hluta Sviss og þar starfar hann yfir sumarmánuðina en á veturna vinnur hann m.a í Kanada sem þyrluskíða leiðsögumaður. Ef þig dreymir um að sigra tind Matterhorn eða Eiger að þá er Paul maðurinn til að láta þá drauma rætast enda þessi fjöll svo til í garðinum hjá honum og þarna þekkir hann hvern hrygg og hverja sprungu





Bergmenn Mountain Guides

Box 88 - 620 Dalvķk
ICELAND
Sķmi 858 3000
info@bergmenn.com 

Subscribe to our newsletter

Don't miss out on a great deal, subscribe to our newsletter and get news and offers to your email

Follow us on ...