Fjallgöngur - Klifur

Hraundrangi í Öxnadal er án nokkurs vafa einn tignarlegasti og jafnframt þekktasti tindur landsins. Það var þó ekki fyrr en árið 1956 að hann var klifinn í fyrsta sinn og engin fannst gullkistan á toppnum eins og þjóðsagan sagði til um. Klifrið á Hraundranga er flestum fært svo lengi sem þeir eru vel a sig komnir líkamlega og þjást ekki af mikilli lofthræðslu því þegar upp er komið er varla pláss fyrir meira en einn mann í einu á toppnum.

Í fjallinu Kerlingu í Svarfaðardal leynist tæplega 200 metra klettastál sem hlotið hefur nafnið Kerlingareldur. Kerlingareldur er nánast óþekkt fyrirbæri hjá hinum almenna fjallamanni hér á Fróni en fyrir þá sem stunda tæknilegt fjalla og klettaklifur er þetta ein flottasta klifurleið sem í boði er á landinu. Nauðsynlegt er að hafa einhverja reynslu af klettaklifri og hafa farið með okkur í aðra túra eða námskeið áður en lagt er í þetta stórvirki.

Hrútsfjallstindar í Öræfasveit eru mikið augnayndi þar sem þeir rísa tæpa 1700 metra uppyfir Svínafellsjökli vestan Öræfajökuls og Hvannadalshnúks. Það er rökrétt framhald af Hnjúksferð eða góður undirbúningur að klífa Hrútsfjallstinda. Nokkrar leiðir eru í boði á Hrútsfjallstinda en í þessari ferð er ein af þeim auðfarnari í boði en ekki sjálfur suðurveggurinn með sínum 1700 metrum af hörku klifri. Tæknilegir erfiðleikar eru svipaðir þeim sem fyrirfinnast á Hvannadalshnúk og því fært flestum í góðu líkamlegu formi á Hrútsfjallstinda.

Það verður að teljast skylduverkefni hvers Íslensks fjallamanns og konu að ganga á Hvanndalshnúk því hvert land á sér nú bara einn hæsta tind. Gangan á Hvannadalshnúk er löng og reynir á þrek og úthald þótt hún teljist ekki til tæknilegs klifurs. Útsýni er óvíða fegurra þar sem við hafinu taka svartir sandar sem síðan mæta fjöllum og jöklum Öræfasveitar. Einstök upplifun og mögnuð jöklaferð.

Jökull Bergmann er stoltur að geta boðið löndum sínum leiðsögn á hátinda Alpana allt árið um kring. Jökull er eini Íslendingurinn sem hefur réttindi til að leiðseigja fólki um Evrópsku Alpana þar sem að hann er eini alþjóðlega faglærði fjallaleiðsögumaður landsins. Alpaferðir falla í eðli sínu undir einkaleiðsögn þar sem að í erfiðari fjallgöngum og klifri komast aðeins 1 til 3 með hverjum leiðsögumanni. Jökull sérsníður hverja ferð að þörfum viðskiptavinarins, þú hefur bara samband og segir á hvaða tind og hvenær þú villt fara eða þá að Jökull útbýr spennandi ferðaáætlun fyrir þig. Allir þekkja helstu tinda Alpana, Eiger, Matterhorn og Mt Blanc en þeir eru þó aðeins fáir af aragrúa spennandi tinda sem hægt er að klífa eða ganga á í þessari fjalla paradís sem Alparnir eru. Möguleikarnir eru óþrjótandi sama hvort þú hefur bara nokkra daga eða heilu vikurnar og sama er að segja um erfiðleika og tegundir leiða. Ísklifur, klettaklifur, göngur og fjallaskíðaferðir, af öllu þessu er ofgnótt í Evrópsku Ölpunum. Láttu fjalla drauma þína rætast, hafðu samband og Jökull kemur þér á toppinn.

Þessi stórskemmtilega en krefjandi ferð er ætluð þeim sem eru í góðu formi og í leit að krefjandi verkefni. Á 6 dögum er hæð Mt Everest 8840m klifin á tindum Tröllaskagans undir handleiðslu Jökuls Bergmanns. Þetta þýðir að í 6 daga samfleytt er tekin út hækkun uppá tæpa 1500m á dag sem reynir vel á andlegt og líkamleg úthald. Ferðin er gerð útfrá Klængshóli í Skíðadal þar sem við njótum margrómaðrar gestrisni og matargerðar og slökum vel á á milli tinda.