SIGLUM UM, SKÍÐUM OG SKOÐUM SUÐURSKAUTSLAND

Þessi 13 daga, 12 nótta leiðangur samanstendur af áhugasömu fólki allstaðar af með eitt sameiginlegt markið, að komast á og skoða Suðurskautslandið.  Þó að markmiðið sé það sama þá er fólk samankomið með mismunandi áætlanir, sumir vilja bara skoða dýralífið, aðrir vilja róa kayak og enn aðrir sigla um á zodiac með náttúrufræðing eða sagnfræðing með í för sem leiðsegir mannskapnum. Við ætlum okkur hinsvegar að gera allt sem í boði er með forgang á fjallaskíðun.

Við hittumst í Ushuaia, fyrsta kvöldið fer í afslöppun og við  byrjum ferðina og fyrsta fulla daginn auðvitað á að fara á skíði. Frá miðborginni er um 15 mínútna akstur upp í Martial en hér nýtum við tækifærið og förum yfir ferðatilhögun og björgun á jöklum ásamt yfirferð á notkun snjóflóðabúnaðar og ljúkum deginum á að skíða niður Martial jökulinn. Við ferðumst mest 5 saman í línu, 4 gestir og 1 leiðsögumaður, svo ef hópurinn er stærri en það munum við hafa aðstoðarleiðsögumann meðferðis. Annar heili dagurinn og sá þriðji í ferðinni er einnig í nágrenni Ushuaia og gefst kostur á að skoða sig um borgina, söfnin, fjöllin eða þjóðgarðinn en svo er stundum gott bara að halda sig við skíðunina í bland við allt hitt. 

Nú ættu allir að vera þæginlega þreyttir og aðlagaðir að tímanum að mestu leiti, við tekur smá hóphristingur, kvöldverður og góður nætursvefn. Að morgni fjórða dags flytjum við farangurinn niður á höfn og fljótlega hefjum við siglinguna suður á bóginn. 

Siglingin suður kallast einu nafni "Drake passage" og þó Sir Francis Drake sem siglingaleiðin er skýrð eftir hafi aldrei siglt leiðina sjálfur þá  var það eitt af skipum hans sem uppgötvaði tengingu milli Atlandshafsins og Kyrrahafsins á sínum tíma og hélst nafnið. Ferðalagið niður á skagann tekur 3 daga og gefst nægur tími til að kynnast, lesa, hugsa og fræðast á meðan á siglingunni stendur. Fræðimenn og áhafnarmeðlimir ásamt leiðsögumönnum halda fyrirlestra og úti flýgur Albatrosinn á meðan háhyrningar og aðrir hvalir sigla allt í kring í ætisleit. 

Þegar komið er að norðurhluta suðurskauts skagans fara leiðsögumenn í land og undirbúa lendingastaði fyrir bátana og gestir gera sig klára í að fara í land, framundan eru okkar fyrstu skref og beygjur á suðurskautslandinu. Hér eru ótal möguleikar í boði og brekkur við allra hæfi. Markmið eru valin eftir getu hvers hóps, veðri og aðstæðum hverju sinni. Hver dagur er misjafn þar sem bróðurpartur hvers dags fer í skíðun en á hverjum stað fyrir sig leynist eitthvað áhugavert sem vert er að skoða hvort sem það er mörgæsa nýlendur, rannsóknastöðvar, gamlar hvalveiðistöðvar eða annað. VIð höldum siglunni áfram suður næstu tvo daga í leit að skíðaleiðum og áfangastöðum eins langt og hafísinn leyfir áður en við snúum stefni til norðurs á ný og heim á leið. 

Fjöldi skíðadaga á suðurskautslandi eru fjórir heilir dagar og 1-2 dagar í Argentínu. Mikilvægt er að hafa í huga að allar ferðir um suðurskautið geta tafist eða breyst vegna aðstæðna eða veðurs og ákveðinn sveigjanleiki er því nauðsynlegur þegar flug eru bókuð til og frá Argentínu.