KOMUDAGUR

Við komu til Sapporo/Chitose flugvallar taka leiðsögumenn á móti hópnum og héðan erum við flutt á fyrsta gististað okkar. Á leiðinni, ef ekki fyrr, áttar maður sig fljótt á því að hér er enska ekki í hávegum höfð og flestir sem skilja mann eru saman komnir í einum og sama bílnum. Við byrjum rólega og eftir stuttan akstur á hóteli í miðbæ Sapporo förum við yfir búnaðinn með leiðsögumanni og stillum okkur af á tímabeltið í undirbúningi fyrir komandi viku og snæðum fyrsta kvöldverðinn saman.  

DAGUR 1

Dagurinn er tekinn snemma og við höldum af stað úr borginni tilbúin á skíði. Stefnan er tekin á suðurhluta Hokkaido en á leiðinni stoppum við og teygjum úr okkur, förum yfir snjóflóðabúnaðinn og tökum nokkrar vel valdar bunur í  japönsku púðri. Eftir góðan dag á skíðum höldum við áfram förinni á fyrsta fjallahótelið (Ryokan) okkar og látum líða úr okkur átök dagsins í japanskri náttúrulaug (onsen). Við erum hér í námunda við  Niseko sem er stærsta skíðasvæði eyjunnar og með endalausa fjallaskíðamöguleika.  

DAY 2

Nú er kominn tími til að taka á því og við byrjum á að skoða okkur um baklandið við Niseko skíðasvæðið. Hér er tilvalið að nýta lyfturnar upp svo leggirnir dugi allan daginn við púðurskíðun. Eftir átök dagsins er bara að skella sér í onsen og kvöldmat og skipuleggja næstu púðurveislu.   

DAY 3

Nú ætti ferðaþreyta að vera að mestu úr sögunni og ekki seinna vænna því stefnan er tekin á topp Yotei fjalls. Yotei er eldfjall og oftast kallað Fuji-fjall Hokkaido. Yotei er 1898 metra hátt og gangan hefst í rúmum 300 metrum. Fjallið gaus seinast fyrir um 3000 árum en gígurinn er um 250m djúpur og hefur átt til að bjóða upp á púðurskíðun niður í botn áður en skíðað er niður 1500m púðurveislu til baka í bíl. 

DAY 4

Tími til kominn að færa sig um set. Stefnan er tekinn inn í land og upp í fjöll. Í einu hæsta Ryokan hóteli á Hokkaido eyju nærri bænum Furano er enginn skortur af fjallaskíðamöguleikum. Ferðatíminn er mjög breytilegur eftir veðri og aðstæðum en tekur venjulega bróðurpartinn af deginum en ef færðin leyfir og ferðin gefst vel nýtum við möguleikann og heimsækjum eitt af fjölmörgum skíðasvæðum eyjunnar á leiðinni. 

DAY 5

Matseðill dagsins er hæsta fjall Hokkaido, Asahidake 2290 metrar. Forrétturinn er ferð með gondóla sem færir okkur undir toppinn, aðalréttur púðurskíðun í trjánnum og eftirréttur ef aðstæður leyfa er toppurinn. 

DAY 6

Furano-dake er fjalllendi dagsins, þekkt fyrir brattari brekkur, frábæra trjáskíðun, bratta hryggi og  tilkomumikla tinda ásamt jarðhita og minnir óneytanlega á íslenskt landslag þegar upp er komið ofan trjálínu. 

DAY 7

Seinasti skíðadagurinn er tekinn snemma, sett í töskur og skíðað í nágrenni við hótelið. Að skíðun lokinni skellum við okkur í onsen í seinasta skipti í þessari ferð áður en við pökkum töskum í bíl og höldum til Sapporo.  Í Sapporo bíður okkar matveisla, það er komið að seinustu kvöldmáltíðinni og vinur okkar hann Hiro leiðir okkur á uppáhalds stað heimamannsins. Ef næsta ferð er ekki þegar skipulögð í smáatriðum þá gerist það óhjákvæmilega hér. 

DAY 8

Ferðalagið frá hótelinu út á flugvöll er súrsætt í morgunsárið en öll ævintýri verða víst að enda en bara svo næsta geti byrjað.