Bergmenn Fjallaleiðsögumenn hafa undanfarin 20 ár boðið uppá fjallaskíðaferðir á Tröllaskaganum. Tröllaskaginn verður að teljast Mekka fjallaskíðaiðkunar hér á landi og þó víðar væri leitað, með sýna óteljandi tinda og snjóþyngsli. Þegar kemur að útivist í fjalllendi að vetrar- og vorlagi er að mörgu að huga og markmið námskeiðsins að veita þátttakendum þá grunn þekkingu sem þörf er á til að skipuleggja og fara sínar eigin fjallaskíðaferðir.
Námskeiðið er ætlað skíðafólki sem er að taka sín fyrstu skref á fjallaskíðum og eins þá sem langar að bæta í reynslubankann. Námskeiðið hentar vel á undan eða í kjölfar snjóflóðanámskeiðs.
Námskeiðið er haldið á Klængshóli í Skíðadal sem býður uppá fyrsta flokks aðstöðu til kennslu. Staðsetningin í miðjum fjallasal Tröllaskagans gerir okkur kleift að nýta tímann sem allra best og skella skíðunum á við útidyrnar. Á Klængshóli er einnig frábær aðstaða til að hvíla lúin bein eftir átök dagsins, arin, heitur-, kaldur pottur og gufubað.
Um kennsluna sjá faglærðir íslenskir skíðaleiðsögumenn með alþjóðleg skíðaleiðsöguréttindi og áratuga reynslu í fjalla og skíðaleiðsögn.
Lágmarksfjöldi þátttakenda 6.
2025 Dagsetningar & Verð
Verð
99.000 ISK
| FJS-01 | Jan 24-26 |
| FJS-02 | Jan 31 - Feb 2 |
| FJS-03 | Feb 7-9 |
| FJS-04 | Feb 14-16 |
| FJS-05 | Feb 21-23 |
| FJS-06 | Feb 28 Mar 2 |
| FJS-07 | Mars 7-9 |
| FJS-08 | Mars 14-16 |
| FJS-09 | Mars 21-23 |
Fleirri möguleikar í boði fyrir hópa af 6 eða fleirri, endilega hafið samband.
InNIFAlið
- Morgunmatur og nesti Laugardag og Sunnudag, kvöldmatur á Laugardag.
- Gisting í 2 nætur, verðið miðast við tveggja manna herbergi með sameiginlegu baði.
- Leiðsögn og kennsla faglærðs skíðaleiðsögumanns.
- Afnot af fyrstuhjálpar búnaði og samskiptatækjum (þetta á ekki við um snjóflóðaýlir, skóflu og stöng)
- Afnot af allri aðstöðu, heitum potti og gufubaði.
EKKI innIfalið
- Flutningur til og frá gistingu
- Búnaðarleiga (þarmeð talinn snjóflóðabúnaður)
- Nammi og annað snarl
- Áfengir drykkir
- Ferða- og slysatryggingar.
Dagskrá
Mæting eftir kvöldmat á föstudegi. Dagurinn hefst á stuttum fyrirlestri innandyra en meirihluti námskeiðsins er haldið utandyra. Nauðsynlegt að þátttakendur fari vel yfir búnaðarlistann og hafi samband ef einhverjar spurningar vakna.
FÖSTUDAGUR
- Mæting og móttaka á Klængshóli
- Búnaðarskoðun og leigubúnaður afgreiddur
LAUGARDAGUR
- Morgunmatur
- Kynningar
- Tilgangur og markmið
- Fatnaður á fjöllum og annar búnaður
- Kynning á snjóflóðabúnaði
- Snjóflóða björgunaræfing
- Farið á fjöll
- Farið verður yfir:
- Hagkvæma nýtingu á tíma
- Skiptingar út göngu í skíðun
- Leiðarval
- Bera kennsl á hættur
- Upp og niður brattari brekkur
- Aðferðir við skíðun í breytilegum aðstæðum
- Mat á snjóalögum
- Kvöldmatur
- Ferðaskipulagning fyrir morgundaginn framkvæmd
SUNNUDAGUR
- Morgunmatur
- Veður og aðstæður
- Farið á fjöll
- Kortalestur, áttavita, GPS og rötun
- Hagkvæm nýting á tíma í lengri dagsferðum
- Yfirferð og æfingar á lærðum aðferðum
BÚNAÐARLISTI
Hjá Bergmönnum er töluvert úrval af skíða- og snjóflóðabúnaði til leigu. Vinsamlegast skoðið leigubúnaðarlistann fyrir neðan og hafið samband ef spurningar vakna.
SKÍÐA/BRETTA BÚNAÐUR:
- Fjallaskíðaskór með göngu stillingu, Telemark skór eða þægilegir snjóbrettaskór.
- Skíði eða Splitboard – Við mælum með fjallaskíðum eða telemark skíðum með mittismál milli 95-120mm.
- Skíðastafir – Við mælum með stillanlegum stöfum. Þeir sem velja að mæta með snjóbretti ættu að hafa stafi sem hægt er að stytta vel eða koma í 3 pörtum.
- Skíðastrappi – Notaður til að festa skíðin á poka.
- Skinn – Skinnin ættu að vera sniðin að skíðunum. Ef skinnin eru of grönn eða passa illa virka þau ekki sem skildi.
- Skíðabroddar (Nauðsynlegir!)
- Bakpoki – 30-40L pokar henta best.
- Hjálmur – Ef þið eruð vön að skíða með hjálm þá mælum við með að þið notið hann. Mikilvægt er að hægt sé að festa hjálminn vel á bakpokann á uppleið án þess að hann sveiflist.
- Snjóflóðaýlir – Verður að vera stafrænn (digital) ýlir með 3 loftnetum.
- Skófla – Samanbrjótanleg málmskófla sem passar í bakpokann.
- Snjóflóðastöng –a.m.k. 240cm löng. Mælum ekki með skíðastöfum sem hægt er að breyta í snjóflóðastöng.
FATNAÐUR:
- Sokkar – Ull eða gerviefni. Forðist bómull
- Soft Shell buxur (Valkvætt) – Passið að skálmar fari yfir skíðaskóna
- Síðerma föðurland – Ull eða gerviefni.
- Síðerma millilag – Ull eða gerviefni
- Primaloft jakki eða ullarpeysa
- Vatnsheldur Jakki – Gore-Tex eða álíka með hettu.
- Vatnsheldar buxur
- Hanskar – Tvö pör. Hlýir og vatnsþolnir hanskar eða vettlingar og eitt þynnra par fyrir uppgöngu.
- Húfa – Flís eða ull.
ANNAR BÚNAÐUR:
- Áttaviti
- GPS
- Kort (Við mælum með kortasafninu "Gönguleiðir á Tröllaskaga" Kort nr.1&2)
- Höfuðljós
- Vatnsflaska og hitabrúsi – 1- 2 lítrar.
- Sólarvörn og varasalvi – SPF 30 eða meira
- Sólgleraugu
- Skíðagleraugu
- Skyndihjálpartaska lítil – Kennarar eru með sjúkrabúnað, þið þurfið eingöngu að mæta með blöðru- og plástrasett ásamt ykkar persónulegu lyfjum.
- Myndavél
- Vasahnífur eða Leatherman
LEIGUBÚNAÐUR
- Skófla – Pieps Tour
- Snjóflóðaýlir – Pieps DSP
- Snjóflóðastöng
- Fjallaskíði með skinnum – Við eigum pör í flestum stærðum, vinsamlegast hafið samband áður en námskeið hefst til að taka frá skíði.
- Fjallaskíðaskór – Við erum með nokkur pör af fjallaskíðaskóm til leigu en mælum með því að þið mætið með skó sem þið hafið prófað og passa vel.
- Skíðastafir – Við erum með stillanlega skíðastafi til leigu.